Nimin khan Aizawl-ah Zirlai 1508 ten NEET an exam. Nimin khan Pathianni khan Mizorama centre 4-ah zirlai 1,508-te’n National Eligibility-cum-Entrance Test (NEET) 2021 an hmachhawn a.

Kumin NEET exam hi centre 4- Pachhunga University College, T.Romana College, Govt. Aizawl North College
leh Kendriya Vidhlaya-ah te buatsaih a ni a. Covid hripui laka exam hmachhawntute an him theihna turin uluk taka
venhimna hnuaia SOP zawm chungin exam hi buatsaih a ni.
Zirlai exam turte chu exam centre an luh hma-in an khaw
sik leh sikloh endik zel anni a. Khawsik an lo awm palh pawha dahhranna tur isolation room centre tinah buatsaih a ni. Hripui leng avanga inlama inkhunghrang exam turte
pawh midang nawlpui luh hma-a luhtir niin, building
hran-ah exam phalsak an ni a. Centre hrang hrang 4 a zirlai exam hmachhawnte hi
an vaiin1508 an ni a, Pachhunga University College ah
840, Kendriya Vidhlayaah 188, T. Romana College ah
180 leh Govt. Aizawl North College ah 300 an ni.
NEET 2021 ah hian Mizoram tan MBBS seat 100 awmin,
All Indiaquota seat 15 leh Mizoram quota seat 85 a awm a ni.