Nimin khan Supply Minister K. Lalrinliana chuan Kolasib khaw chhunga MLA-LADS hmanga hmalakna thenkhat a endik

2022 KTP General Conference thlenna
tura ruahman Diakkawn Field-a inbuatsaihna kalpui dan tur
a enpui bawk.
Kolasib district-a kal tha lo leh natna dang vanga Dialysis tih ngaite tan Aizawl pan zel a ngaih thin thu Minister
K.Lalrinliana chuan sawiin hei hian dam lote tan veivahna
leh inenkawlna kawng thlengin harsatna a thlen phah thin
thu a sawi. MLA-LADS hmanga District Hospital, Kolasiba
Dialysis Room sak mek chu tlawhin peihfel a nih hunah
chuan Kolasib district mipuiten tangkai taka an hman a
beisei thu a sawi a ni.
Supply Minister hian 2022 KTP General Conference
nghahna tura buatsaih Diakkawn Field a tlawh a, a panna
motor kawng leh kea kalna step thawmthat dan turte, a
hmunhma chei dan turte leh tui lakluh dan turte a enpui a.
He hunah hian 2022 KTP General Conference Organising
Committee-te leh Sawrkar department hrang hrang hotute
an tel a, hmalak ho dan turte sawi a ni.