Nizan ruahsur tam lai vel (Dar 11:30) khan Maubawk Tamdo vengah Pi Lucy Lalnunpari w/o Vanlalliana chuan khawlaiah naute a nei a, a naute Imanuel Lalremruata hi kg 2.500gram a ni a, naute leh a nu hi an tha a, Aizawl Civil Hospital-ah dahluh an ni.
Thudawn danin Pu Vanlalliana te hi chhungkua hi miin luah an ni a, nizan dar 11:00 Pm vel khan Nau nei mai dawna inhriain, Civil hospital pan turin an chenna In atangin ruahsur nasa tak karah an chhuakchho tur chu, an awmna atanga kawngpui a hlat deuh avangin dar 11:30Pm vel khan Maubawk Sub Centre building bul an thlen hian anbuai ta phut mai a, Naute duhawm tak Mipa alo piang ta a ni. Hetia kawng kal lai naunei buai ta phut thawm chu a bula awmten hriaiin an theih ang anga buaipuiin an chenna inah anla lut nghala, damdawi lam thiamte an inkoh hnuah Civil Hospital panpui hrim hrim tha a hriat anih avangin Maubawk YMA Ambulance hmanga hruai nghal a ni.
Civil Hospitalah chuan atul leh pawimawh anlo buaipui nghala, Naute nu Bp hi alo sang deuh bakah insiamtir nghal a duh bawk avangin admit nghal a ni.
