Coordination Committee on Traffic Management Meeting; ni 9.12.2022-a neihin a rel ang leh kum danga lo tih thin tawh angin Krismas leh Kumthar vuakveta mipui Bazar; kea kalte an him zawk nan “No Vehicle Zone” chu Ni 23, 24 leh 31 December, 2022-ah te hman leh tur a ni a, he huna lirthei khuahkhirh leh tlan dan tur chu hetiang hi a ni:
1. Chanmari (Lower Chanmari, Bazarpui panna kawng huam telin) leh Zodin Square inkarah Zing dar 10:00AM atanga Tlai Dar 4:00PM chhungin lirthei eng mah (Thirsakawr leh Nawrlirh huamin) tlan phal a ni lo. Hei hian Hospital Emergency duty bakah, natna avanga Damdawiin pante a huam lo vang.
2. Civil Hospital Aizawl atanga lirthei chhuak, chhimlam pan tur reng reng chu Dawrpui Biak In lamah kual lovin; Civil Hospital Road atangin Bazar Bungkawnah kaltlangin chhuah lama kal tur a ni.
3. No Vehicle Zone huam chhunga Taxi leh Two Wheeler Taxi Stand te chu Baza Tlanghnuai, AR Mandir Opposite-a General parking lot-ah leh AR Quarter Guard hnuaia General parking lot-ah sawn a ni.
4. Chanmari (Lower Chanmari, Bazarpui panna kawng huam telin) leh Zodin Square inkarah lirthei eng chi mah No Vehicle Zone hun chhung hian hun/dah phal a ni lo.
5. No Vehicle Zone chhung hian Chhim leh Hmar inkalpawhna kawngpui (Main Road) khar a nih dawn avangin lirthei veivakte kawng dangah kal a ngai dawn a, a helna kawngah lirthei tlanlai ti khaihlak thei bungrua dah leh lirthei park phal ani lo. Hemi avang hian “No Vehicle Zone” hela lirthei tlan dan tur hetiang hian ruahmanna siam a ni.
Hmar lam panten Zodin Square bak an pel thei lo anga, hetiang in:
Tlak lamah: Treasury Square to Vaivakawn Road via Temple Square zawhin Chanmari West lamah chhoin; Chanmari atangin Hmar lam an pan thei ang.
Chhuah lamah: Sikulpuikawn to Ramhlun Road via Republic Veng-College Veng – Bethlehem Veng – Chhinga Veng – Electric Veng lamah kal theih a ni.
Tin, Treasury Square to Electric Veng via Republic Veng – College Veng – Bethlehem Veng – Chhinga Veng lamah a kal theih bawk ang.
Aizawl khawpui chhung lutlo turte chu Aizawl by-pass road ‘World Bank Road’ ah engtiklai pawhin a kal theih ang.
Ramthar Sihpui atanga Bazar pan te chu Bazar Bungkawnah chhuah chhoh phal a ni lo a, Modern High School bulah kual thlain Chhinga Veng lamah an let ang.
Tuithiangpeng, Chhinga Veng Pi.Sapdengi in bul atangin chho zawngin tlan phal a ni lo vang.
B. Chhim lam pan te’n Chanmari Bus Stand leh Hrangbana College an pel thei lo ang, heng kawngte hi an zawh ang :
Chanmari Biak In to Vaivakawn Road via Kawipui, Chanmari West.
Bawngkawn to ITI Road via Ramhlun, Electric Veng etc.
Chanmari kawn atangin Lower Bazar Road ah kal loin Chanmari Biak In helin Hmar lam an pan leh tur a ni.
C. Thil zawrh chungchang:
No Vehicle Zone huam chhung; Chanmari atanga Zodin inkar leh Lower Chanmari atanga Power House inkarah Zing dar 10:00AM atanga Tlai Dar 4:00PM chhungin mipui kea kal te tibuai thei turin kawngpui dungah thil zawrh leh dah khap tlat a ni.
D. Dropping leh Pick up:
A hnuaia kawng tarlanah te hian Dropping leh Pick-up tur ringawtin lirthei a lutin a chhuak thei ang :-
Hmar lamah: Maxi Cab chin hnuai lam tan passenger dah leh la tur ringawtin hemi kawngah hian a kal theih ang.
Hrangbana College atangin Govt. Mizo High School Field thleng. Govt. Mizo High School Field hi Parking atana hman tur a ni ang a, hetah hian Dropping leh Pickup an tithei ang a; an tlan chhohna kawngah let lehin Hmar lam panin an tlan ang. Zarkawt lamah tlan thlak phal a ni lo.
Heta kal tur nilote chuan Chanmari Biak In helin Hmar lamah an kual let leh ang.
Chhimlamah : Zodin atangin Canteen kualah, AR Mandir helin Chhim lamah kual let tur a ni.
E. Parking & No Parking :
Govt. Mizo High School Field hi Parking atana hman tur a ni ang. Amaherawhchu, a hnuaia kawng tarlanahte hian lirthei eng mah kawng dala dah phal a ni lo.
No Vehicle Zone huam chhungah.
Hrangbana College to Govt. Mizo High School Field road.
Temple to Vaivakawn road.
Vaivakawn to Hunthar, Chanmari West Junction.
Hunthar, Chanmari West Junction to Chanmari Traffic Point.
Bawngkawn to Sikulpuikawn via Ramhlun North – Ramhlun South -Aizawl Venglai – Electric – Chhinga Veng – SaronVeng – Tuithiang – Bethlehem – College Veng – Republic Veng – Upper Republic/Treasury Square.
Armed Veng to Chhinga Veng Road Pi, Sapdengi in bul.
Sihpui to Chhinga Veng via Electric Veng.
Hei hian chhiatrupna thil; kangmei leh emergency pawimawh bika duty, dan leh thupek pawimawh bika Police leh Magistrate duty-te chetvelna a huam lo vang.
