National Students’ Union of India, Mizoram State (NSUI-Mz) chuan thuchhuah siamin, “Kolasib District Land Owners Association ten Mizoram luka pui ber an dang a ngai ta hi pawi kan ti a ,Zirlai tangkhang te tan NSUI chuan hma kan la zel dawn,” an ti.
Thuchhuahah chuan, “Vawiin 3rd November 2022 hian Silchar to Aizawl Four(4) lane kawng laih Turin a sut chhiat tur ram neitute zangna dawmna pek chhuah ngiatin Kolasib District Land Owners Association chuan sorkar ah vawi tam tak an lo thleng tawh chungin vawiin thlenga hmasawnna an la hmuh theih loh a vanga kawng dan pin a ngai ta hi NSUI Mizoram State te chuan Pawi kan ti hle a ni.
Kolasib District Land Owners Association te dawn tur hi July 2022 khan Competent Authority for Land Acquisition leh NHIDCL joint account- ah dah vek tawh a ni a.Hetih a ni lai a harsatna awmta hi NSUI chuan pawi kanti a ni.
“He harsatna chungchang ah hian NSUI Mizoram State President RB.Lalmalsawma chuan Kolasib DC Pu John LT Sanga. bia in ‘ NSUI ten kan dinchhan zirlaite tan a nih zia sawipui in , Zirlai tangkhang te tan he road block vang a harsatna an neih an pumpelh theih nan a be nghal bawk a ni.
NSUI te chuan he kawng dang ping a ngai ta hi pawi kanti hle a , kan sorkar hian chingfel thuai se tih hi kan duh ber a ni,” an ti bawk.
