BJP Mizoram chuan thuchhuah siamin, “Oil Palm Growers Association Kolasib District leh Mamit District ten Central Scheme NMEOOP hnuai atanga Kum 2022-2023 a Viability Gap Payment (VGP) Support Price 2.2 Cr an hmu leh, kum 2023-2024 atana Nuai 76 lai mai Central Sorkar atanga an hmuh bakah thla tin Central Sorkar in Oil Palm Growers Association te puihna tur a ruahman sak chu BJP Mizoram chuan kan lawmpui takzet a, Central Sorkar Pu Modi kaihhruaiin Kuthnathawktute a ngaihpawimawh zia alang chiang hle a ni.
“Oil Palm Growers Association ten an Oil Palm chin atanga Central Sorkar a tanpuina an dilna tur ah, Mizoram Chief Minister Pu Lalduhoma chu DO Letter ziahsak turin an ngen a, nimahsela Mizoram Chief Minister hian aziah sak duh loh avngin, Oil Palm Growers Association te mangangin Governor Dr Hari Babu Kambhampati hnenah an harsatna te thlenin a puihna an dil leh ta a, Governor in Union Agricultue Minister Pu Shivraj Singh Chauhan hnen ah an thil dil tawh te arang thei ang ber a tihsak tur a angensak na chu Central Sorkar chuan vawiinah arawn tihsak ta a ni.
“Central Sorkar Pu Modi kaihhruai chuan Kuthnathawktute te tan theih tawp chhuahin hma ala a, Kuthnathawktute angaihsak zia alang chiang hle a ni. kumin 2025 ah phei chuan BJP Sorkarna State ah Minimum Support Price (MSP) pawh nasa takin tihpun ani a hei bakah hian Central atangin Assistance an dawng tel bawk a, Mizoram a cheng Kuthnathawktu tam zawk te hian Central Blessing hi tun aia nasa zawk a kan dawn ve ngei theih nan Sorkar tha leh kuthnathawktute hmangaihtu, thu chauha hmangaihtu nilo, kuthnathawktute harsatna lak atanga khaichhuak thei tu kan mamawh takzet a ni.
“Kuthnathawktute tan BJP Mizoram chu kan ding reng a, tuna Mizoram a Kuthnathawktu, Pathian malsawmna nasa taka dawngtu ten Sorkar ah beiseina sang tak nen an thlaithar, abikin Sawhthing leh Hmunphiah an thar chhuah pawh hralhna tur an duh anga an hmu thei leh ta lo chu apawi kan tihpui takzet a ni. BJP Mizoram chuan Party Politics ruihchilh avanga Mizoram ah Sorkar kan thlang thin hi kan sim a hun tawh hle ah kan ngai a, Mirethei te, Kuthnathawktute te hmangaiha dawm kang a, Kuthnathawktute harsatna sutkian dan zawng reng Party BJP kan ni tih hi Mizorama Kuthnathawktute hian kan hriat apawimawh hle a, Mizoram ah BJP a Sorkar hma hauh pawhin, PM Kissan hmanga lo neitute puihna kan Account ah ngei pawisa min thunsak thin te, lo neitu ten Kissan Credit Card pawh anihna anga tangkai taka an hman ve hun te pawh BJP Mizoram chuan kan nghakhlel hle a, Mizorama mihring tam zawk Kuthnathawka eizawng te hian an hah mila hlawkna an hmuh thuai theih nan BJP Mizoram chuan theih tawp kan chhuah zel dawn a, Mizoram Mipui ten Sorkar na min pe ngat sela chuan tuna harsatna kan tawh tamtak lakah hian Kuthnathawktute kan zalen ngei dawn a ni.
“Mizoram Sorkar Pu Lalduhoma kaihhruai chuan inthlan hma a Kuthnathawktute tana an thutiam tawh chu tipuitling thei leh lova an awm ta mai hi amak kan tiin, pawi kan ti hle a, Sorkarna an chelh hma a an thusawi Kuthnathawktuten an nghahhleh em em thlaithar an leidan tur an pehhel kual leh chu pawi kan ti hle a ni. Mizo Kristian te thudik tawk lo hrilh hi bansan tur leh Bible in min hrilh anga, mahni nihna anga lang chhuak ngam a, thudik chauh sawi thin tawh turin Mizoram a Sorkarna chelhtu te kan ngen a ni,” an ti.
