September 7, 2024-a Railway hnathawk hnamdangten Sairang tlangval, an khawtual ngeia tharum thawha kut an thlak chungchangah Sairang Local Council leh Joint N.G.O te hmalakna chu PAMRA chuan ṭha a tiin a thlawp tlat tih thuchhuah an siamah an tarlang a ni.
PAMRA chuan, “An khaw tlangval, hnamdangten dan kalh a, tharum thawh zawnga an sawngbawl vak chungchanga an thuchhuah kha a ṭha-in ‘Mizoram chu Mizote ta a ni’ ti a, Ram leh Hnam humhalhna thu an chhuahte kha a ropui a, thuneitute hnenah Dan anga hma la tura an ngenna te kha a zahawm takzet a ni.
“He thil thleng hian kan Ram leh Hnam tana luchhum bânchhum huama Zalenna sualtu, PAMRA te thin a kheinain, maimitchhin san harsa kan ti a ni. Mizoram chhungah ngat phei chuan Hnamdang hian Zofate Kut an thlak thianglo, kan phal tur a ni lo. Dan bawhchhia an awm chuan Dan angin an zualko mai zawk tur a ni.
“Chuvangin, Sairang Mizo Tlangval hruizen a phuarhlawm a, mualpho taka chaihtu Hnamdang (Vai) te hi PAMRA chuan zilhhauna a pe lovang tih kan sawi thei lo. Chutihrual chuan, tun hnuah Mizoram chhungah Hnamdangten Mizo hnahthlakte tharum thawh zawnga indiriamna thil thlentir tawhlo turin Mizoram chhunga Hnamdang awmte kan chah a, hetiang ang thil thleng a awm leh anih chuan PAMRA chuan zilhhauhna na tak a pe zel dawn tih kan hriattir a ni,” an ti bawk.
