February ni 3 – 5, 2023 chhunga visakapatnama buatsaih 39th National Junior Taekwondo Championship-ah Mizoram aiawh a khel ten Gold 1 leh Bronze 1 an la.
Gold medal hi Pansy Rampanzeli leh Joseph Vanlalpekhlua ten Poomsae Pair inelnaa an lak a ni a. Pansy hian Individual inelnaah Bronze medal a la tel bawk. Tin, he championship a referee official a kal, National Referee C.Lalzuitluanga chu best referee of the Tournament atan thlan a ni bawk a ni.
State 32 bakah services team telna Championshipah hian
Mizoram Amateur Taekwondo Association chuan player 8 an tir a.Kyorugi inelnaah hian player 6 telin R.Lalremsanga Chawnpui leh Malsawmtluangi Armed Veng South te chuan Quarter final thleng mahse medal an la zo ta lova, Poomsae inelnaah player 2 telin Individual mipa leh hmeichhia bakah pair-ah an tel nghal a ni.
Poomsae Pair Inelnaah hian pair 29 telin Pre quarter final, Quarter final, Seminal te paltling finalist mi 8 inel zingah a thiam ber niin Gold an la ta a ni.
Mizoram team hi Lalduhawma Armed Veng South leh Doris Lalhmangaihzuali Kanan Veng ten an hruai.
