Tuikum Biala independent-a ding tur C Lalrinmawii, Chhiahtlang chuan “Party behchhana ka din chuan unit lamin min control dawn a, chuvangin unit control theih loh turin Independent-in ka ding ta a ni,” a ti.
Kumin kumtawpa MLA inthlan lo awm tura beiseiah Tuikum Biala independent-a ding tur C.Lalrinmawii chuan vawiin khan Aizawk Press Club-ah chanchinthar lakhawmtute kawmin, August 2021 khan independent-in Chhiahtlang South atangin VC atana thlan tlin a nih thu sawiin, “Theihtawp chhuahin hma ka han la ve a mah se, VC thil tih theihna hi a lo tlemin khawtlang nu leh pa chan chang te hian mi harsa, miretheite dawmkang turin VC-te hian thiltih theihna hi kan lo nei tlem khawp a. Khawtlang tana theihtawp chhuah ka tum venate chu duh angin hma lak a harsa em em a, VC-te ai hian party/unit-te hian thuneihna an lo nei sang zawk hle a lo a ni!,” a ti.
Mi harsa zawkte leh tanpui ngai tanpuite, dawmkan an ngaihna laiahte, khawtlang tana a awm thei lo chu a rilru a nat thu sawiin, C Lalrinmawii chuan, “Pathian hnenah tawngtaiin, zan khat phei chu ka muhil thei lo hial a ni. Kan khawtlang hi dawmkanga, hmangaih taka chawikan ka tumna chu eng emaw chen theih mah se, party/unit induhsakna ringawt chuan kan khawtlang leh mipui hian hma an sawn thei dawnin ka hre lo,” tiin unit chung, MLA-a a awm ngaia a hriat to thu a sawi.
C Lalrinmawii chuan MLA atana thlan tlin a nih chuan Tuikum Bial chhunga khaw 20 enkawl a ngaih dawn thu sawiin, “An mamawh, an harsatna sukiang a, mi harsa zawkte dawmkang thei tur hian mipui MLA chuan thlei bik leh duhsak bik nei lovin, hmangaihna nen kan ram, kan bial chhung mipuite harsatna, retheihnate lo hmuhpuiin ka hriatchian pui em em a ni. Neutral taka han thlir hian kei aia bial mipuiten harsatna an thlen ngamna leh dawmkang theitu tur awmin ka hre lo,” a ti.
C Lalrinmawii chuan a manifesto thenkhat hetiang hian a tarlang bawk :
* Inkalpawhna kawngpui siamthat vek a ni ang Link road kan ei leh bar zawnna kawng hi boulder phah vek a ni ang.
* Chhungtinte eizawnna nghet It nei lote chu ngaihtuahsak vek an ni ang
* Zirna lama hmasawnna tur tam tak kan dam ang a, sikul nei lo khuate ngaihtuahsak an ni ang
* Tui thianghlim leh power electric lama hmalak a ni ang MLA Fund hi dik takin, langtlang takin, mipui sum a nih ang ngeiin hman a ni ang
* NGO tinte run neihsak an ni ang
* Miharsa leh hmeithai, pachhiate in leh lo din a ni ang
* Damloh ni khua-a tanpui ngaite mamawh sum hman tur ngaihtuahsak a ni ang
* Thalaite music lama theihtawpa hmalakpui an ni ang
