BJP Mizoram chuan vawiin 18th November 2024 Monday hian BJP Mizoram State Office Upper Republic Mipui Run ah Karthar inhlanna leh Political Session hun a hmang a, Pu Ramthansanga State Executive Member in inkhawm akaihruai a, Pu Lalrinliana Sailo Former Speaker Govt of Mizoram, State Core Group Member ni bawk chuan thusawina hun a nei a ni.
Pu Lalrinliana Sailo chuan thusawiin, “Mizoram ah Political Party hrang hrang kan awm a, Pathian ringtu te kan nih angin Politics thianghlim kan khelh angai a, Politics hi Party inbeihna atan maia hmang lovin ram chanchin tha kan thlenna hmanrua atan leh mipuite hamhatna thlenna hmanrua atan a kalkawng a ni a tih kan hriatthar apawimawh hle a, Mi dangte chhiatna lai ringawt zawng lova, Rinthu nena mi dang te diklo taka in puh te phei hi chu sual lian tak ani a, kan sim a hun tawh tak meuh ani ; ram leh ram kan indo va, hnam leh hnam kan indo anih chuan kan chak thei dawn lova, hma kan sawn thei dawn lo a ni,” a ti.
Pu Rina chuan, “Politics ah hian thawhhona tha, in kaihhruaina tha a pawimawh a, chumi atang lo chuan hlawhtlinna a awm thei thin lo a ni. Kan Sorkar kum kalmek hian 15th Finance Commission a hman avangin kan State thawhchhuah mumal neilo Central ringa nung ve chang chang ta chu kan dinhmun a ţha lo hle mai a, Mizoram Sorkar hian puitu angai a, amah mai chuan inhaichhuah ngaihna reng reng a nei dawn lo a ni.
“Chuvangin, Mizoram Sorkar hian puitu amamawh a, puitu tur azawn thiam a, inngai tlawm taka tlawmna kawrfual nen a hma alak chuan Mizoram hmalam hun a eng ve thei ngei in a rinawm a ni. Chutihrualin Pathian ringtu kan nih avangin chapo na erawh chuan chhiatna athlen thin a, dinhmun sang kan din chiah hian kan nihna alo lang fiah thin a, chapo mai te hi ahlauhawm hle a ni. Mi chapo te chu Pathian hian a paihthla thin a, inngaihtlawmna nen ram rawngbawlhna hi kan kalpui angai ani. Chuvangin Mizoram kan kaihhruaina kawngah hian chapo na nen nilova, inngaihtlawmna nen ram kan kaihhruai a, Pathian duh dana hma kan la anih ngat chuan, kan ram, kan hnam hian Malsawmna kan dawng ngei dawn a ni,” a ti bawk.
Inkhawm ah hian Pu R Lalmalsawma State secretary in BJP Active Membership chungchang report pein, Pi Lalthangmawii State General Secretary in Membership Enrolment chungchang Report a, Pu Delson Notlia MDC MADC, National Minority Secretary chuan SANGATHAN PARV chungchang hrilhfiahna hun a nei bawk.
