Pathianni tlaia tuitla ruang vawiinah hmuh a ni

Ni 25 September 2022 zan dar 7:30 vel khan Saitual tuilakna Saichal road Saitual atanga 14km vela hla Tuivawl luiah Mosa Lalremtluanga 22 S/o F. Rodinpuia ITI veng chu a chesual a, a zawn hna ngawrh taka thawh a nih hnuah vawiin dar 2:30 vel khan Sihfa kai bul, Phullen chhakah hmunh a ni.
Mosa Lalremtluanga te hi a nupui, putea Hmuenga te lo zo turin Zirtawpni khan Saitual Police vengah an zin a, Inrinni khan Aizawl road lama lo an zo haw hnuah a unaute nen chakai meichherchhit turin an thawk chhuak leh a, an kawr zawh tur panna kawngah Saitual tuilakna (pump house) atanga metre 100 vel tuivawl lui an daikai tur chu an rin aia tui a lo khauh avangin an pa 5 hian an talbuai ta a, a unau dangte pa 4 hi chu vaukam ah an insaseng thei a, Mosa hi an hmuh leh chuan an chetsualna atanga thlang taka a awm a pillai an hmuhbak chu an hmu chhunzawma ta lo a ni.
Tuitla zawn hna hi Saitual Joint VC ten an buaipui a, Keifang Venghlun VC ten Dal leh buhfai te thawh bakah DC Office a DM&R lam atangin thingpui bawlhlo engemawzat leh tui a chetvelna tur bungrua an thawhchhuahpui bawk a ni.
Mosa Lalremtluanga hi zanin hian tlaivarpuiin, naktukah ITI Veng thlanmualah vuiliam a ni ang.