Vawiin khan Pawlrang khua chuan khaw thar an din kum 50-na, Golden Jubilee an lawmnaah Human Resource Development Vice Chairman leh Lengteng bialtu MLA Dr. L.Thangmawia chu khuallian a ni a, Golden Jubilee lungphun hawnna a hmanpui a ni.
Jubilee lawmna hunah hian Khuallian Dr.L Thangmawia chuan Pawlrang khua in khaw thar an luah atanga a kum 50-na hun an thleng chu thinlung taka a lawmpui thu a sawi a. Pawlrang chu Model Village-a a thlan a nih thu sawiin hripui leng karah thil ropui tak tih theih ni rih lo mah se Pawlrang khaw tan MLA a nih anga a tih theih chin chin chu a tih zel thu a sawi a. Zirna lamah tan la tura fuihin zirna hi khawvela rual min pawl tirtu a ni a, kum thar atang chuan Lengteng biala a hmasa ber atan Pawlrang High School-ah ICT hmanga zirtirna pe tura ruahmanna zirtirtute nen siam mek a ni a ti.
Pawlrang khua hi 1902 a din a ni a. 1968 ah Changzawl ah sawilkhawm an ni a. Tuna khawthar hi 1972 kuma din leh a ni.
Jubilee lawmna inkhawm hi Biakthansanga, VCP leh Organising Committee Chairman in kaihhruaiin, Upa C.Zakiamlova’n hunserh a hmang a, Pawlrang khaw satchhuak tite hnenah chawimawina hlanin Jubilee Souvenir chu Pawlrang Welfare Committee Chairman H.Lalthanmawia’n a tlangzarh a. Saitual District Additiona DC leh PD nibawk Margareth Lalrinawmi Fanai leh SDO(Sadar) Andy Lalfakzuala ten an hmanpui bawk a ni.
