PC-in neih in angte insak dodal tum

PC Party Sr. Vice President Lalrinzuala Chawngthu chuan vawiin khan PC Party Office, Treasury Square-ah neih inangte tana in sak tuma sawrkar hma lakna PC Party-in a dodal tlat thu a puang.
Lalrinzuala Chawngthu chuan, ”Tun hnaia LGBTQI (Lesbian Gay Bi Sexual Transgender queer Intersex) te tana Sakawrtuichhun rama shelter sak tum hi kan pawm thei lo. Pianpuite chu sawi phak awm lo mah se nikhaw hriat hnua nikhua lo tam tak mipuiin kan ngaihmawh em em laiin vulh lenna kawng niah kan ngai a, Mizorama buaipui tham ni lo kha buaipui thamah kan chhuah phah thuai dawn,” a ti a.
”Kan Kristian sakhaw innghahna Bible hi kan ram leh hnam lungphum a ni tur a ni a, chu chauh chu kan dinkhawchhuahna tur a ni bawk. Kan Bible zirtirna leh neih inang inkawp hi Kohhran duh loh leh Kristianna nena inmil lo a nih avangin Mizoram sawrkar hian he hma lakna hi sût leh vat rawh se. Tin, sawrkar laipui atanga shelter sa tura hriattirna copy Mizoram sawrkarin hmuh theih tura a pho lang a nih loh chuan social media-a sawifiahna ringawt kan pawm lo,” a ti bawk.