Vawiin January 27, 2023 ( Zirtawpni) hian Vanlalruata President kaihhruaiin, PC Party chuan kan Party Office kum 40 chhûng kan lo luahlum tawh chu, building thar kan luah leh hma atan kan chhuahsan fel ta.
Vawiina kan Party office-a kan hun hnuhnung ber hmanah hian Lalhmangaiha Sailo(Emeritus President) chuan, “Kan Party office hian Chief Minister, Minister leh MLA chhuanawm tak tak engemawzat a lo hring chhuak tawh a; Kum 40 chhûng kan Party office kan luah chhûnga kan ram tana theihtawp chhuah a lo bei tawh tu te zawng zawng zahna chibai ka buk a ni. Building thar kan luah hunah chuan PC Party leh kan ram tana ṭhahnemngai taka lo thawk ṭhin, nung dam a la awm zawng zawngte neitu chan rawn chang leh vek turin ka sawm a ni” a ti bawk.
Meeting kaihruaitu Vanlalruata President pawh in, “Brig.T.Sailo-a kaihhruai PC Sawrkarin kan ram tana hmathlir thui tak nei a engemaw chen an lo kalpui tawh chu, Kum 30 chuang chhunzawm mumal lo a la awm hi PC Party chuan kan ram dinchhuah nan leh hmasawn nan kan chhunzawm zel dawn a ni” a ti bawk.
