Aizawl 11th March, 2024: PC Party chuan vawiin hian Golden Jubilee Monument siam hna bul tanin, Party Vice President leh Golden Jubilee Monument Committee Chairman Pu Lalthuamliana’n lei laih hna a tan a. He Jubilee Monument-ah hian party museum dah anih dawn bakah Mizoram Chief Minister lo ni tawh, party founder president Brig. T Sailo lim dah a ni dawn a ni.
Vawiin vek hian President Pu Vanlalruata kaihhruaia meeting neih niin Lok Sabha MP Inthlan lo awm tur atana PC Party candidate tur ruat fel a ni a. Campaign Committee din fel nghal a ni bawk.
