Nimin April 20,2023 ( Ningani) khàn Food Affair, Ramhlun North-ah Vanlalruata PC Party President hoin PC Party hruaituten Political training an nei.
He hunah hian Vanlalruata chuan, “Policy debate neihpuia kan sawmna tu Party mahin min chhang ngam lo,” a ti.
Vanlalruata chuan, “Mipuiin thu tak leh innghahna tlàk Policy a taka tihhlawhtlin theih leh theih loh kan hriat fuh theih nân Mipui hma-a Party tin ten Policy debate kan neih hi a ṭul hle a ni,” a ti a; Party tinin kum 2023 inthlanpui atan kan Economic Policy kan tlangzarh vek tawh a. PC.Party Policy bàk, Party dang Policy te hi chu, ṭha awm taka lang, belhchiana rintlak si loh, Kohhran leh mithiam ten tha lo an tih ‘Sem Policy’ tia sawi ṭhin kha a ni,” a ti.
Vanlalruata chuan, “Political Party dangte hi vawihnih ngawt Video record hmang leh ziakin, “Hawh u kan Party Policy hi Mipuiin an hriat chian tak tak a, a eng hi nge ṭha lo a, eng hi nge ṭha a tih tak tak theih a, tih tak tak theih loh an hriata, chuta ṭang chuan Political Party te pawh kan finchhuah a, thu taka kan luh theih nan leh mipuiin duh thlanna dik an thlan theih nan Policy debate i nei ang u,” tia kan sawmna vawiin thlengin chhanna kan la dawnglo hian Party dangin Policy debate neihpuiah min cho lo ah kan ngai a ni.
“PC Party in kan Economic Policy ‘Khawlhnuh Hmasawnna’ kan tih hi chu kan budget dinhmun leh dan siam sa te leh dan siam mai theih te leh kan ram dinhmun mila thiltih tak tak theih ngei kan ziak vek a. Chuvangin kan Poilcy hi chu a rintlak ber a ni,” a ti bawk.
