Vawiin April 7, 2022 ( Ningani) chawhnu dar 1:00 PM hian PC Party Office Bearers Meeting PC Party Office Treasury Square ah an nei.
Meeting kaihruaitu Pu Vanlalruata Sr.Vice President chuan’ ‘PC Party Policy leh thil tumte nghet taka vuan tlattute avangin Zoramah beiseina kawl a eng thar leh ngei dawn a. Zoram hmangaih, thil ṭha duh, beidawn lek lekna kara leng mêk Zofate tan beiseina nung pe leh turin PC Party chuan theihtawp kan chhuah mêk e.” a ti.
Pu Ruata chuan, tunhnaiah , PC Party kan phur thar hle a.Kan Party Office thuanawp tawh tak pawh sa thar tûrin chak taka hma lak a ni a.Kan mi hmasa hote pawh an phur hle a. PC Party Office building kan sak thar tur hian kan Aizawl khawpui pawh a mawi hle turah kan ngai a, kan ram tan tangkai taka hman tura ruahmanna pawh kalpui a ni ” a ti bawk.
PC Sr.Vice President chuan ” Party pahnihte in sawrkar chhawk ṭhin huangah Mizoram chhunga inkalpawhna lei (bridge) pawimawh tak tak a chim leh mai thin hian Sawrkar, Company leh Contractor liante a mualpho hle a ni” a ti bawk
Tunlai Oil(Petrol, diesel) to leh vâng lutuk avanga harsatna kan tawh hian Brig. T. Sailoin Oil lama harsatna kan tawh fo tihzangkhai nân Vairengteah Oil Depot a lo buatsaih tawh kha tih changtlung zêl ni se, vawiina kan harsatna hi heti em em a ni lovang.” a ti bawk.
