PC Party chuan thuchhuah siamin, “Tun hnaiah Sawrkar laipuiin ration buhfai a thlawna dawng tura a ruahman sakte dawn theih chin bàk Mizoram sawrkarin ùmzuia , ngaihsakna a neih loh avanga ration buhfai ringa khawsate’n harsatna namen lo an tawk ta mai hi PC Party chuan pawi kan ti takzet a.; Hetiang a mahni khua leh tuite tam chhuah zawnga Mizoram sawrkarin ke a pen ta mai hi PC Party chuan kan dem takzet a, A rang thei ang bera mi harsate tana khamkhawp ration buhfai sem leh nghal turin PC Party chuan Mizoram Sawrkar kan ngen tak meuh a ni.
“Mi harsate khamkhawp lo tur ration buhfai semna hmanga inhaivur tuma ruahmanna siam hi PC Party chuan engtikawng mahin kan rem ti ngai dawn loa, a tawp thlengin kan dodal zel dawn a ni,” tiin an tarlang.
