Tlungvel tlangdunga campaign a kal PC President Vanlalruata chuan vawiin khan Tlungvel a ni zung chakna hmanga kawlphetha siamna hmun a tlawh.
He hmunah hian thawktuten Vanlalruata chu lo dawngsawng in khawl hnathawh dan te an lo hrilhfiah a. Fur laia khawl part ṭhen lai a kan ṭhin thu te , hemi laka himna tur hian panel te hmun hula dah dan zawn a ṭul zia te leh tihchangtlun leh tihphuisui dan tur kawng te an sàwiho .
PC President.chuan ”Tlungvel Solar Plant hi a installed capacity chu megawatt 2 niin a hmun hi acre 5 vela zau a ni a. Plant lian tham siam tur chuan ram a mamawh zau viau dâwn a. Tlâng chung ni sâ ṭha lai chauha siam theih anih avangin leh, lian thama siam tur chuan hmun ruak zau tâk a awh tel dâwn avang te, a hmun hi hung vek a ngaih si avang tein Project lian tur chuan hmun a awh zau thei hle dâwn a ni”, a ti
Vawiina Tlungvel tlangdunga campaign a kal Vanlalruata hi Lalramthara General Secretary leh Vanlalhneha Secretary ten an tawiawma an kal na apiangah hian unit lamin ṭha taka lo dawng sawngin, Party mite an phur hle zel a ni.
