Eight Mizoram Legislative Assembly thutkhawm vawi 10-na vawiina neih chhunzawmah Power & Electricity Department MInister R.Lalzirliana chuan, Dr.Vanlalthlana MLA zawhna chhangin, “Kum 2022-23 chhunga power leina leh a kaihhnawih bill dang pekna atana sum hman tawh zat chu Rs.152.41 crore a ni a, Unit khat leina rate (average) chu Rs.5.63/- unit a ni a. Kum 2022-23 chhunga power hralhna atangin Rs.138.04 crore hmuh tawh a ni a, hralhna average rate chu State chhungah Rs.7.79 unit niin Grid Rs. 7.80 unit a ni,” a ti.
Eptu member Lalduhoma, MLA-in, “Engtikah nge Serchhip-ah 6.3 MVA Transformer dah a nih dawn?” tia a zawhna chu chhangin P&E Minister chuan, “6.3MVA, 132/33kV transformer leina turin tender tih fel tawh niin State Purchase Advisory Board (SPAB) approve turin ruahman mek a ni,” a ti a. Lalduhoma MLA zawh belhna, “NABARD hnuaia Transformer te chi MAT phaiah 11nos dah tum kha a puitling dawn hnai tawh em?” tih chu Minister chuan, “Hnathawhna tur bungrua engemawzat a hmunah dah tawh a ni a. Fund allocation pawh hmuh tawh niin, Expenditure Sanction (ES) dil mek a ni a. Kum hnih chhunga zawhfel tura ruahman a ni,” tiin a chhang.
