Vawiin khan People’s Defence Force pawl tangrual chuanthuchhuah siamin, “Keini, Chin National Front (CNF/A), Chin National Organisaion (CNO/CNDF), Hualngoram People Organisation (HPO/CDF-Hualngoram), People Defence Army (PDA), People’s Defence Force – Kalay (PDF – Kalay) leh Zomi Federal Union (ZFU/PDF Zoland) te hian a hnuaia mi ang hian lungrual takin he thuchhuah hi kan siam a ni,” tiin a hnuai a mi ang hian thuchhuahah chuan an tarlang.
1. Mizoram sawrkarin keini Myanmar lama kan unaute raltlan theih tawpa min lo dawnsawn dan, buaipuina leh enkawl mekna ah hian a hmasa berin lawmthu kan sawi tak meuh meuh a ni. Mizoram sawrkar bakah Mizo mipuite, Kohhran, NGO leh Party hrang hrang te’n min ngaihsaka min buaipuina zawng zawngah lawmthu kan sawi tak meuh bawk a. Mizo mipuite min lainatna, hmangaihna leh duhsakna zawng zawng hi engtikahmah kan theihnghilh tawh ngai dawn lo a ni. Mizoramah hian eng chen nge raltlan a kan la khawsak dawn tih hi keini chuan kan hre thei lo a, kan chungah hmangaihna leh lainatna lantir chhunzawm zel turin Mizo mipuite kan ngen takzet bawk a ni. Kan ram a zalena, remna leh muanna a awm ve theihna tura min tawngtaipui zel turin kan sawm bawk che u a ni.
2. Mizo mipuiten kan chungah khawngaihna leh duhsakna nasa tak kan hmuh mek laiin tlangkamah leh khawlai ti ti thenkhatah Raltlanten ruihhlo damdawi an rawn tawh lut thin nia sawi awm ta hi pawi kan ti hle a. Kan sahim nana Zofate Jerusalem pan khawmtute zingah hetiang tih ching kan lo awm a nih chuan Sim nghal hmak tur leh hetiang thil a awm tawh loh nan theih tawp kan chhuah dâwn a.
3. Ram leh Hnam hmangaih hauh loa Ruihhlo tawlh ru thin, mi thisena eizawngte man chhuah in nih hnua Raltlan anga in sawi mai thin te chu tun hnuah chuan ti tawh lo tur a ngen in ni a, a theih dan ang zela um zui zel pawh an ni bawk ang.
4. Raltlan te kan awmna khua leh veng theuh ah khawtlang tana tangkai taka awm vek turin kan in ngen a ni.
