BJP Mizoram Headquarters chuan Prime Minister Ayushman Bharat Scheme, Mizoram mipuiin PM Healthcare Scheme/Golden Card tia kan hriat chungchang a zawhfiah duh leh Golden Card la neilo ten an neih theihna tur a pui turin, tun November thla chhung Chawhma 11:00 atanga Dar 3:30 thleng hian BJP Mizoram State Office, Upper Republic ah Help Desk siam chhunzawm zel tur a ni a, he mi hamthatna dawng thei te chu SECC (Socio Economic Caste Census) list 2011 leh 2018 kum a RSBY a inziak lut te an nih angai thung a ni.
Pawisa engmah chawi ngailovin PM Health-care Scheme hi an apply thei a,Mizoram Health-care kan hman mek nen a in ang lo a ni. Tin, Bill tang a awm ve loh avangin he Scheme hmang thei te tan chuan a tha hle a ni.
PM Health-care Scheme hmang thei Hospital te chu:-
1. Sorkar Hospital zawng zawng PHC telin
2.Seventhday Hospital,Aizawl
3.Nazareth Cancer Hospital,Aizawl
4.Medaim Hospital, Champhai
5.Christian Hospital, Lunglei
6.Christian Hospital, Lawngtlai
7.LCMC Hospital,Lawngtlai.
Heng Damdawi in ah te hian PMJAY kaltlangin Rs 500000/- thleng damlo inenkawlna hman theih a ni.
BJP Mizoram chuan, “Tunhnaiah Mizoram Sorkar pawhin PM-JAY chu Mipui te hnenah zirtirna leh hmalakna thar annei leh te hi BJP Mizoram chuan lawm awm kan tiin, heng bakah pawh Prime Minister Scheme hrang hrang miharsa ten hamthatna anneih na tur ah pawh nawrkal chawp ngai lova, theihtawp chhuah a hmala chhunzawm turin kan ngen a, PM Scheme chu PM Scheme anihna ang taka mipui hnenah pawh zirtirna pe a, Mizoram Sorkar thil tih pawh anihna anga sawi mai turin kan ngen bawk a ni,” an ti.
