Vawiin khan Police hna thawk tha chawimawina, DGP Commendation Disc leh Certificate 2021 hlanna hun, GS Arya Mess, PHQ, Aizawlah neih a ni.
Commendation Disc hlannaah hian thu sawiin, DGP chuan he hun hi Police mi leh sa, Mizoram hmun hrang hranga rim taka hna thawkte PHQ-in a hriatpui a, a ngaihlu a ni tih lantirna a nih thu a sawi a. DGP Commendation Disc hi Police hna thawk tha, rank hniam leh sang, junior leh senior zawng zawng thliar lova pek thin a nih thu leh Service chhunga vawi khat chauh dawn theih a nih thu a sawi. Hna thawk thate chu hriatsak zel a pawimawh thu sawiin, Police ten mipui rawng kan bawlnaah theih tawp chhuah theuh tur leh Senior Officer-te pawhin an naute hnathawh that tarlansak thiam thin turin a chah bawk a, hna tha tak leh tlin taka thawka kan Uniform pawh chhuang taka haa tizahawm thiam turin a fuih bawk a ni.
DGP Commendation Disc leh Certificate 2022 hi hna thawk tha mi 39 hnenah Devesh Chandra Srivastva, IPS, DGP Mizoram-in hlanin, Senior Police Officer, SP chin chunglam, Aizawla awm ten hun an hmanpui.
He hun hi John Neihlaia, IPS, IGP (Hqrs) chuan kaihruaiin, Lalbiakthanga Khiangte, IPS, DIGP (Hqrs) in lawmthu sawina a nei bawk a ni.
