MPYCC chuan, “Lok Sabha MP inthlanpui Mizorama neih zawh takah UP, Bihar leh Madhya Pradesh-a duty tura kal IR Battalion mi 1047 zet mai Vote thlakna hun siamsak an ni loh chhan dik tak chu Chief Minister Pu Lalduhoma vangah MPYCC chuan kan ngai,” an ti.
Vawiina thuchhuah an siamah, “Pu Lalduhoma hian tunhnaiah a bial fannah Mizoram sorkar department hrang hrangin amah leh a kaihhruai sorkar do an tum a, a pawl ang te, Association ang te in amah leh a kaihhruai sorkar do an tum a, a bik takin Police Department in amah do nasat an tum tih a sawi hian MP inthlana Police thenkhatin Vote an thlakna hun siam sak a nih loh chhan a tichiang a ni.
“Pu Lalduhoma hian Assembly House-ah meuh Police Department chu rintlak loh, innghahna tlak ni lo, kut leh ke vung ber bur tiin Home Minister K. Sapdanga enkawl Home Department chu nasa taka diriam chungin a lo bei tawh bawk. Hei hian Mizoram Police te rilru a ti na takzet a ni. Hetianga ram mipuite dikna leh chanvo ti thei loa siam pawisa lo Chief Minister hi kan Police pawhin a himna tura an thawh hi an ba lo ah MPYCC chuan a ngai a. Mizoram Police te hnenah ngaihdam dil turin MPYCC chuan a phut a ni,” an ti bawk.
