Kan hma lawka inthlanpui lo awm tur, General Legislative Assembly Election of Mizoram 2023 tluang tak leh muanawm taka neih a nih theihna’n Mizoram Police chuan August 21, 2023 atang khan zu leh ruihhlo do beihpui (Special Drive Against Illicit Liqour and Drugs) a thlak a, a hnuaia tarlan ang hian ruihhlo eng emaw zat man tawh a ni.
A chunga ruihhlo man tarlan bakah hian zu siamna hmunpui eng emaw zat dap chhuaha tihchhiat a ni tawh bawk. He ruihhlo dona beihpuiah hian tum khatah ram danga tawlh luh tur nia ngaih Crystal Methamphetamine, 3.100 Kg, Rs. 9,30,00,000/- man hu te pawh man a ni.
Mizoram Police chuan, “Kan ram tibuaitu heng ruihhlote hi theihtawpin kan dovin kan bei zel dawn a, mipuite leh ruihhlo dona kawnga thahnemngai pawl hrang hrangte thawhpuina leh thlawpna kan ngen a, hetiang thila rinhlelh nei pawhin Police te hnena hriattir vat thin tur pawhin kan inngen a ni,” an ti.
