Mizoram Pradesh Congress Committee President Lal Thanzara hova MPCC Elected OB te thukhawm chuan, IR Battalion te Lok Sabha inthlan atana UP, Bihar leh Madhya Pradesh ah te duty tura kal mi 1047 zet mai vote thlakna hun siamsak an ni lo hi an ngai thutak hle tih an sawi.
Heng Police te hian vote an thlak ve theih nan Congress Party chuan hma la turin Chief Electotral Officer hnenah May ni 13 khan lehkha a lo thehlut tawh a. CEO hnen atanga chhana an hmuh angin Election Commission of India lamin vote thlaktir an tum lo niin a lang a. Chuvangin, Police te hian vote thlak ngei theih nan Gauhati High Court, Mizoram Bech ah PIL thehluh ngei nise an ti a, hemi buaipui tur hian Legal Cell Chairman TT Zothansanga leh a team te ruat an ni.
