Nimin khan ZPM Ṭhalai Headquarters hnuaia Entrepreneurship, Youth Empowerment and Development Department bultumin, ZPM Thalai Headquarters chuan ZPM Thalai Office-ah, Entrepreneurship and Handholding Livelihood Programme an hmang a, he hunah hian ZPM Thalai President Pu Malsawmzuala Ralte chuan thu sawiin, “Rualkhai taka mitin thleng phak politics khelh a ṭul tawh hle,” tiin, a huhova hmasawn a ṭul thu a sawi.
Malsawmzuala Ralte chuan, ZPM Thalai te’n an phâk tawk chinah ramin hma a sawn a, rorelna dik leh fel, thalaite thleng phak a awm ngei theihna turin ke an pen thu sawiin, “Politics ah hmai hnih neih a thiang lo”, a ti a, “Kan nunphung pangngai tho, kristian kan nihnate, inkhawm thin, tawngtai thin, khawtlanga inhmang thin kan nih angin, kan rilru put hmang pangngai nen politics kan khel mai tur a ni,” a ti.
