President Droupadi Murmu chuan vawiin chawhnu khan Mizoram University a Convocation programme a hmanpui hnu in MZU Auditorium-ah hmeichhe zirlai leh zirtirtute bakah self help group member-te nen inkawmna hun a hmang.
He an inkawmnaah hian President Droupadi Murmu chuan Mizoramah hmeichhia ten hma an sawn nasa ni a a hriat thu a sawiin, vawiin convocation neih zawh takah gold medalist zinga hmeichhia thahnem tak an tel chu lawmawm a ti a. Sawrkar hna bakah nitina eizawnna thilah hmeichhia te tan remchanna zau zawk siam sak a ngai a. Startup leh enterpreneurship huangah pawh hmeichhia ten hma an rawn sawn zel nan chhawmdawlna tha zawk pek an ngai a ni a ti.
Self Help Group aiawh hnen atanga SHG huanga hmeichhiate hlawhtlinna te a hria chu lawmawm a tih thu a sawi a. SHG pawh uar zawka kalpui a nih leh hnathawhtur leh eizawnna mitam zawk tan a nih theih nan tanlak zel a ngai tih a sawi.
President Murmu chuan Mizoram chu ram mawi tak, ram hmul leh nungcha chi hrang tam tak awm na lai a ni tih a sawi a. Hei vang hiang Biodiversity huangah Mizoram dinhmun a pawimawh a. Mizoram Biodiversity humhim zel a nih theih nan MZU mithiamte chu a hnahruaitu ni turin a fuih a. Hemi huangah hian hmeichhiate pawhin mawhphurhna pawimawh tak kan nei a ni a ti.
He hunah hian Governor Pu Hari Babu Kambhampati, Chief Minister Pu Zoramthanga leh MZU Vice Chancellor Prof. K.R.S. Sambasiva Rao te chuan President hi an tawiawm a ni.
President pual hian zanin hian Raj Bhavan ah cultural programme leh zanriah buatsaih a ni.
