President Droupadi Murmu chuan Hnahthial District, Maudarh khaw bula lunglakna hmun chima thi chhungte chu a tuarpui takzet tih a sawi.
President hian nimin khan twitter kaltlangin chhiatna thlenga nunna chan chhungte chu a tawrh pui thu a sawi a, Hnahthial District, Maudarh khaw bula lunglakna hmun chim chu a lungchhiatthlak thu a sawi bawk.
Prime Minister Narendra Modi pawhin Hnahthial district Maudarh khuaa lunglakna hmun chima thi chhungte hnenah Prime Minister’s National Relief Fund atangin Cheng Nuai 2 pek an ni dawn a, hliam tuarte chu Cheng Sing 5 pek an ni dawn tih a sawi tawh bawk.
Maudarha ABCI Quarry chim in a delh mi 12 zing mi 11 ruang chu hmuh chhuah a ni tawh a. Nizan dar 8:30 vel khan Ajoy Chakma kum 25 Khojaisuri, Lunglei District ruang chu hmuh chhuah leh a ni.
Tarlan tawh angin, ruang hmuh tawh te hi Surjit Roy kum 26, Cachar, Assam; Madan Das kum 25 West Bengal; Rakesh Biswas kum 21, West Bengal; Mintu Mandal kum 21, West Bengal; Buddhadeb Mondal kum 25, West Bengal; Khemlal Kumar kum 22 Jharkhand; Omprakash Kumar, kum 18, Jharkhand; Subrata Raptan kum 24 West Bengal; Shofiqul Islam kum 26 Assam; Khamrai kum 48 Zawlpui Lunglei District leh Ajoy Chakma kum 25, Khojaisuri te an ni a, ruang zawn mek hi Jahindur Islam kum 27 Satrakanara, NC Barpeta Assam a ni.
