President thar lakluhn inkhawm ah Mizoram MP 2 tel

Nimin khan India President thar Droupadi Murmu lakluhnaah Mizoram MP( LS) C. Lalrosanga leh MP (RS) K. Vanlalvena te an telve a ni.
Parliament Central Hall-ah Droupadi Murmu hi Chief Justice of India Justice NV Ramanna’n rinawmna thutiam a tiam tir a. He rinawmna thutiam tirna inkhawmah hian President chhuak ta Ram Nath Kovind, Prime Minister Narendra Modi, Vice President Venkaiah Naidu, Lok Sabha Speaker O. M. Birla, Central Minister te leh rorelna in pahniha MP rualte bakah State Governor leh Chief Minister engmawzat an tel a ni. President thar lakluhna avang hian Parliament In hnih thutkhawmna pawh chawhnu dar 2 ah tan tura ruahman a ni.
July ni 23, 2022 (Inrinni) khan President chhuak ta Ram Nath Kovind thlahna inkhawm neih a ni a. Mizoram MP pahnih C Lalrosanga leh K. Vanlalvena te pawh Parliament Central Hall-a Ram Nath Kovind thlahna inkhawmah hian an tel a, Ram Nath Kovind thlahna lehkhabuah MP te chuan an hming an ziak (sign) a ni.