BJP Mizoram Headquarters chuan thuchhuah siamin, “Prime Minister Ayushman Bharat Scheme ‘AB-PMAY’, Mizoram mipuiin ‘PM Healthcare Scheme’ tia kan hriat lar chungchangah, hriat chian duh nei leh zawhfiah duh nei chuan Dt. 7th (Monday) aṭanga 11th (Friday) 11:30 AM atanga 3:00 PM thleng hian BJP Mizoram State Office Upper Republic ah *HELPDESK* siam a ni dawn a. Hetah hian zawhfiah theih a ni dawn a ni. PM Healthcare ‘Insurance’ Scheme/Golden Card chungchang hre chiang duh leh List-a awm leh awmloh hre duh te chu kan pui thei reng dawn a ni,” an ti.
Thuchhuahah chuan, “PM Health-Care Scheme hi *SECC (Socio Economic Caste Census) 2011* behchhana siam a nih avangin, SECC 2011 list-a awm te chuan pawisa engmah chawi ngai lovin an apply thei a. Mizoram Health-Care Scheme kan hman mek nen in ang lovin, Bill tang a awm ve lova. Hospital chhuah hnu ah Bill buaipui pawh a ngai lo a ni.
“BJP Mizoram chuan PM Scheme hrang hrangah pawh a dawng tur dik tak te’n an dawn theih nan hma kan la zel dawn a, Mizoram mipui te pawhin PM Scheme dang pawh ngaihven a, kan chanvo kan chan ngei theih nan mahni awmna District ah pawh zawtfiah turin kan in ngen bawk a ni. BJP chu Mizoram mipui te tana ding kan nih angin Mizoram mipui te tan theihtawp chhuahin hma kan la zel dawn a ni tih kan puang bawk a ni,” an ti.
