Tata SK 612 LPS Pro Fight-ah vawi ruk champion hmasa ber nih tumin NT Lalbiakkima a tel dawn a, Tute pawh a hmaah ding dawn se harsatna a nei lo.
Kum 27 mi Biakkima hian hming pek theih ni hnuhnung ber nilainiah lehkha a theh lut dawn a, flyweight kg 48 atanga kg 52 inkarah champion kawnghren la kir turin a tel dawn tih a sawi nawn leh.
Fly champion lai Laldinsanga’n application form a theh lut tawh a, nikum khan Pro Fight title a lak hnuah weight rit zawk bantam-ah a khel zui a, chutih laiin Mizo boxer langsar leh thawm nei lian tak Biakkima nena intawn theih a duh hle a, a tan tawn hriat pawimawh tak a ni dawn tih a sawi.
2014 khan kum 18 mi niin a vawi khat nan Pro Fight-ah New Siaha boxer Biakkima a tel a, lightfly-ah champion-in 2019 thlengin vawi nga a champion zawn a, nikumah awlin kuminah tha tharin a kir leh dawn a, a vanglai a hmang tan chauh tih a sawi.
Tunlai Mizo boxer chhuak thar zinga tha ber pawl leh 2022 best boxer, kum 20 mi Dinsanga nena intawng dawn pawh ni se harsatna a neih loh thu a sawi a, Pro Fight chanchina vawi ruk champion hmasa ber nih tumin a inpuahchah ngawrh hle a ni.
Zo Keite chuan : “Dinsanga maw ? An la naupang a, ani nena intawng turin eng harsatna mah ka nei lo. Amah pumpelh tum ang zawngin rilru ka pu lo hrim hrim,” a ti.
2009 atangin Pro Fight kalpui a ni a, weight hrang hrangah boxer hrang 23 an champion tawh a, Biakkima leh Tuipui chhuanvawr HC Johnkenty Vanhlimpuia’n tum nga title la tawhin an bitum apiang an la hneh vek a, champion ngun ber an ni dun mek a ni.
Tata SK 612 LPS Pro Fight-ah Indian Navy boxer Vana’n tel a tum lo va, mahse, title fight rualin professional boxing a luhchilh theihna kawng hawnsak a ni ang. Chutih laiin Biakkima’n champion kawnghren hren leh ngei a tumna a tihlawhtling a nih chuan Vana nena hnuhma inang an neih kalsanin mi malin champion hnem ber a ni dawn a ni.
Pro Fight-a tel tur tan nilaini thleng hming pek theih a ni a, vawiin tlai thlengin boxer 370 chuangin lehkha an theh lut tawh a ni.
LPS PRO FIGHT CHAMPION TAWHTE :
LIGHTFLY
2009 – Laldinsanga (Khatla)
2010 – ZD Lalchhuanawma (Lunglei)
2011 – Laldinmawia (Tuipui)
2014 – NT Lalbiakkima (New Siaha)
2015 – NT Lalbiakkima (New Siaha)
2016 – NT Lalbiakkima (New Siaha)
2017 – NT Lalbiakkima (New Siaha)
2019 – NT Lalbiakkima (New Siaha)
BANTAM
2009 – Vanlalhruaia (Khawkawn)
2010 – Lalnunhlua (Chaltlang Lily Veng)
2011 – Michael Zodinpuia (Ramhlun Venglai)
2014 – Lalnunhlua (Chaltlang Lily Veng)
2015 – HC Lalramfela (Chawngtlai)
2016 – Zonuntluanga (Dinthar)
2017 – Zonuntluanga (Dinthar)
2019 – Laldingliana (Tuipui)
2022 – Lalrinngheta (Tuipui)
LIGHT
2009 – Lalmuanpuia (Ramthar)
2010 – Anthony Lalduhawma (Govt Complex)
2011 – Anthony Lalduhawma (Govt Complex)
2014 – Lalmuanpuia (Ramthar)
2015 – Lalmuanpuia (Ramthar)
2016 – Anthony Lalduhawma (Govt Complex)
2017 – Lalrinawma (Govt Complex)
2019 – Lalrinawma (Govt Complex)
2022 – Vanlalawmpuia (Khuangthing)
MIDDLE
2010 – Zarzoliana (Sawleng)
2011 – Zarzoliana (Sawleng)
2014 – HC Johnkenty Vanhlimpuia (Tuipui)
2015 – HC Johnkenty Vanhlimpuia (Tuipui)
2016 – Zarzoliana (Sawleng)
2017 – Zarzoliana (Sawleng)
2019 – C Lalduhawma (Ramhlun South)
LIGHTHEAVY
2009 – Abel Lalawmawia (Serchhip)
2010 – Abel Lalawmawia (Serchhip)
2011 – Abel Lalawmawia (Serchhip)
2014 – Abel Lalawmawia (Serchhip)
2015 – PC Lalmuankima (Saron Veng)
2016 – HC Johnkenty Vanhlimpuia (Tuipui)
2017 – HC Johnkenty Vanhlimpuia (Tuipui)
2019 – HC Johnkenty Vanhlimpuia (Tuipui)
FLY
2022 – Laldinsanga (Ramthar Lunglei)
FEATHER
2022 – Lalrosangzuala (Chaltlang)
WELTER
2022 – C Lalhruaitluanga (Chawngtlai)
* 2009 atangin LPS Pro Fight vawi kua buatsaih a ni tawh a. Vawi nga ve ve NT Lalbiakkima (New Siaha) leh HC Johnkenty Vanhlimpuia (Tuipui) an champion a, champion hnem ber an nih dun bakah an khelh zawng zawngah an chak fai vek a ni.
* LPS Pro Fight vawi kua neih tawhah champion thei mi 23 an awm :
– Vawi khat champion 14 : Laldinsanga (Khatla, 2009 lightfly), ZD Lalchhuanawma (Lunglei, 2010 lightfly), Laldinmawia (Tuipui, 2011 lightfly), Laldinsanga (Ramthar Lunglei, 2022 fly), Vanlalhruaia (Khawkawn, 2009 bantam), Michael Zodinpuia (Ramhlun Venglai, 2011 bantam), HC Lalramfela (Chawngtlai, 2015 bantam), Laldingliana (Tuipui, 2019 bantam), Lalrinngheta (Tuipui, 2022 bantam), Lalrosangzuala (Chaltlang, 2022 feather), Vanlalawmpuia (Khuangthing, 2022 light), C Lalhruaitluanga (Chawngtlai, 2022 welter), C Lalduhawma (Ramhlun South, 2019 middle), PC Lalmuankima (Saron Veng, 2015 lightheavy).
– Vawi hnih champion 3 : Lalnunhlua (Chaltlang Lily Veng, 2010 & 2014 bantam), Zonuntluanga (Dinthar, 2016 & 2017 bantam), Lalrinawma (Govt Complex, 2017 & 2019 light)
– Vawi thum champion 2 : Lalmuanpuia (Ramthar, 2009, 2014 & 2015 light), Anthony Lalduhawma (Govt Complex, 2010, 2011 & 2016 light)
– Vawi li champion 2 : Zarzoliana (Sawleng, middle 2010, 2011, 2016 & 2017 middle), Abel Lalawmawia (Serchhip, 2009, 2010, 2011 & 2014 lightheavy)
– Vawi 5 champion 2 : NT Lalbiakkima (New Siaha, 2014, 2015, 2016, 2017 & 2019 lightfly), HC Johnkenty Vanhlimpuia (Tuipui, 2014 & 2015 middle, 2016, 2017 & 2019 lightheavy).
