PC party chuan Mizoram sum dinhmun hi siamṭhat theih ngeiah a ngai a, “A duh phawt chuan kan CM, Finance Minister ni bawk Pu Zoramthanga hian kan ram sum dinhmun chhe zel hi a siamṭha thei a, a duh leh duh loh ah a in nghat a ni,” Pu Vanlalruata PC Party President chuan a ti.
Vawiin February 16, 2023 (Ningani) chhun dar 12 :00 – hian Lalrinmawii Fanai, PC Party Vice-President te in Chhinga Vengah PC President Vanlalruata hoin PC Party hruaitute chuan Mizoram state budget thlirhona an nei a. “Mizoram sawrkarin chhiah leh thil dang hrang hrang aṭanga sum hmuh a tumna uluk takin kan zir ho a, mipui phur ti rit si lo leh mipuiin kan chawi pangngai reng chawi chungin a lak khawm kawngah sawrkarin ṭan la se kan ram sum indaih lohna zualpui sutkian theih turah kan ngai a; Sorkar hian mipui aṭanga a lakkhawm pawisa mipuiin kan pek ngei si sawrkara lut silo nia langte hi harsa lo takin sorkarah a sengkhawm thei a, hemi kawnga hmalak dan hi PC Party chuan kan hriat avangin kan ram sum dinhmun chhe siamṭhat hi kan huphurh lo a, an ti duh a nih chuan tuna sawrkar pawh hian a siam ṭha thei ngeiah kan ngai a ni,” an ti.
PC party chuan, “Mipuiin chhiah leh thil chi hrang hranga kan chawi, sawrkara lut silo te hi mipuiin kan ngaihvena kan zirchian a, sawrkar lakah pawh thîkthu kan tihchhiat a ṭul kan ti hle a ni,” an ti bawk.
