Aizawl, the 5th August 2022: Vawiin khan Weavers Service Center(WSC), Aizawl, Office of Development Commissioner for Handlooms, Government of India, Ministry of Textiles chuan India ram hmundang te rualin National Handloom Day Vawi 8-na lawmna pualin programme a siam a. National Handloom Day hian nithum chhung, vawiin atanga 7th August thleng a awh dawn a ni.
National Handloom Day lawmna neih chhung hian WSC, ZOHANDCO Building, Chaltlangah puantahtute kutchhuak mawi tak tak te pho chhuah a ni dawn a. A ni tawp ber ni hian Central lama National Handloom Day lawmna pui ber pawh Mizoram atangin Online in an hmanpui dawn bawk a ni.
He hunah hian Puantahtute Mizoram hmun hrang hrang atangin an rawn fuankhawm a, Pawntah hmanga sumdawng te leh mithiam sawmbik te pawh an tel a. Central Sawrkar hnuaia chhawmdawlna scheme tha tak tak te zirhona leh inhrilhfiahna neih a ni.
National Handloom Day in Mizoram lawmna inkhawmah hian Pu C.Lalrammawia, Chairman, ZOHANDCO chu khuallian a ni a. Pi Florence Zotluangpuii, Director, Commerce & Industries chu khualzahawm a nithung a ni.
