Congtress Thalai chuan thuchhuah siamin, “Vawiin ni 5.8.2025 (Thawhlehni) khan ZPM ?halai Headquarters chuan an sorkar inthlahdahna vang leh nuamtawlna lam an tuipui luat avanga Mizoram chaklakna kawngpui ber, lirthei zawh hleih theih loha hun rei tak a awm hnua hnatlang an nei chu ZPM sorkar mawnghlimna ah Congress Thalai chuan a ngai a. Hetiang bawk hian ZPM Legislature Party chuan rawtna zahthlak tak, ZPM sorkara PWD Minister an rin tawk lohna No Confidence Motion Move in, kawng siam mek viltu tur Minister leh MLA detailment an lo siam tawh a. Hetiang hi thil zahthlak a nih hriain Mizoram enkawl kawngah tihtheih an neih loh zia leh an hlawhchham a ni tih pawm mai turin Congress ?halai chuan thurawn a pe a ni,” an ti.
Thuchhuahah chuan, “ZPM Chief Minister Pu Lalduhoma chuan kum 2023 MLA inthlan hma khan Chief Ministerial Candidate puan inkhawm Vanapa Hall-a neihah, ZPM a sorkar rualin kawng chhia leh kawng tlo lo lutuk tih bo an tum thu te, kum 15 daih kawng siam a nih tur thu te, kawng siamna hmanrua, khawl changkang hman a nih tur thu te a sawi a. Chutih laia ZPM ?halai Headquarters in kawng chhe siam hnatlang turin Chem, Tuthlawh, Bawngtuthlawh leh Suahdur te keng tura an inti leh si chu thil nuihzat thlak a ni lo a, thil zahthlak tak a ni tih hria a rang taka Pu Lalduhoma’n a sawi, khawl changkang tinreng hmanga kum 15 daih kawng siam tura ngen zawk turin Congress ?halai chuan ZPM ?halai te a hriattir a ni.
“Kawng enkawl hna mahni mawha ngai lo ZPM sorkar leh PWD Minister hian an kuta kawng awm pawh ngaihsak loa NHIDCL kuta a awm veleha ?hahnemngai awm fahrana an che vel hi Mizoram in eng kawngah mah a hlawkpui lo a. Nikum September ni 3.2024 atanga mipui rawka Petrol leh Diesel an khawm tling khawm Rs. 24,58,90,386/- hi kawng siamna atana lak a nih ang ngeiin Chief Minister leh Speaker te, Home Minister mimal in cheina atana hmang peng tawh lova, mipui thawh khawm a nih ang ngeiin kawng siamna atana hmang turin Congress Thalai chuan ZPM sorkar a phut a. Kawng chhe siam hna chak zawka an thawk lo anih chuan Congress thalai chuan na takin a umzui dawn a. Tuna ZPM Chief Minister, Minister, MLA te kawng siam vil a, ZPM thalaiin kawng chhe siam hnatlang an nei hi Social Media a tihdarh tur lemchanna Video leh thlalak an neih belh lek chauhah Congress Thalai chuan a ngai a ni,” an ti bawk.
