Dt. 10th – 13th November 2022 inkar chhunga Khawzawl hmuna North East India Pentecostal Youth Department General Conference hman mekah environmental awareness campaign chu ngaih pawimawh a ni a, inrinni chhun inkhawmah campaign programme khung tel a ni a, Conference pandal bulah pawh awareness hoarding leh photo booth ni nghal environment humhalh inzirtirna siam a ni bawk.
General PYD Conference-ah hian North East India huam chhung hmun hrang hrang atangin thalai rual an fuan khawm a, PYD member te chu mahni awmna hmun theuha environment humhalhna kawnga hmahruaitu leh thahnemngaitu ni theuh turin kan inchah a ni.
North East India UPC hi District 11 ah inthen sawmin, heng district zawng zawngah hian District Environment Protection Committee din a ni a. Lunglei District phei chuan Green Mizoram Programme hnuaiah planting agency tha ber lawmman pawh an lo dawng tawh a, Saiha District pawhin Award te an lo dawng tawh bawk a ni.
North East India huap hian General PYD Environment Protection Committee hi kum 2008 atang khan din tan a ni a. Environment humhalh hi Pathian thu nena inmil leh inkawp tlat anih avang leh ram leh hnam tana PYD ten kan rawngbawl ve theihna kawng pawimawh anih avanga he committee hi din a ni a. PYD te zingah ran tha duhawm tak a chhuah mek zel a, ram leh hnam tan pawh he kan hmalakna hian tangkaina a neih ve ngei kan beisei a ni.
