“Inkalpawhna kawng siam ngai pawimawhtu MLA Pu C.Lalsawivunga kan nei hi a vanneihthlâk; ZPM hna thawhin belhchian a dawl” : R.Lalawmpuii, ZPM Zonu Headquarters President + AMC Ward 16 Councillor.
Vawiin 9.9.2023 zing karah hian ZPM Zonu Headquarters President R.Lalawmpuii, AMC Ward 16 corporator chuan Aizawl South I MLA C.Lalsawivunga MLA fund hmanga kawng siam, Bethlehem Vengthlang- ami chu a hawng.
He kawng hi Bethlehem Vengthlang Chuanhnuai Welfare huam chhûnga Pu Kâpliana In leh Anganwadi inkara RCC hmanga chhûn niin, metre 70 a thui a ni a, cheng 6,20,000/- sênga siam niin, two wheeler mai bâkah four wheeler thlenga kal theiha siam a ni a, he kawng hi MLA fund hmanga siam a nih hma chuan motor a tlan thei ngai lo.
He hunah hian R.Lalawmpuii chuan thu sawiin, bial chhûnga hmasawnna hnathawh leh inkalpawhna kawng siam ngai pawimawhtu MLA Pu C.Lalsawivunga Aizawl South I-in a nei chu lawmawm a tih thu a sawi a, tukina kawng siam chu ṭha a tih thu sawiin, ‘ ZPM hna thawh chuan belhchian a dawl ṭhin a ni,’ tiin a siam hna thawktute a fak bawk.
He hunah hian Bethlehem Vengthlang Chuanhnuai Welfare Committee Chairman, H.Lalduhawma chuan mipui mamawhber te zing ami inkalpawhna kawng sial ngai pawimawhtu MLA Pu C.Lalsawivunga, Aizawl South I-in an nei chu lawmawm a tih thu welfare aiawhin a sawi bawk.
