Radio Announcer lar BJP-ah lawmluh a ni

BJP Mizoram Pradesh chuan vawiin khan BJP Mizoram Pradesh State Office Upper Republic ah State Executive Meeting an nei a. Mmhonlumo Kikon MLA, BJP Mizoram In-charge in telpuiin, Pi Lalhmerliani Fanai, Khatla veng, Radio Announcer lar tak lo ni tawh chu Pu Vanlalhmuaka’n BJP ah lawmluhna hun neiin, “BJP Mizoram in mithar ṭha tak Kan nei leh chu a lawmawm hle a, Tun hma chuan Radio bak chanchinthar ngaihthlakna tur Kan nei lo va, Mizoram mipui te’n chanchinthar fiah taka min hrilh ṭhin tu Pi Lalhmerliani Fanai in Kan Party min lo zawm hi Kan lawm hle a, ṭangkai taka BJP tana hna thawk turin duhsakna ka hlan a ni, a ti.