Tunlaiin Rahul Gandhi leh Priniti Shinde te pahnih chungchang hian India ram mipui titi a luah hneh hle a. Social media platform lar tak, X ah phei chuan an pahniha lanna thlalak hrang hrang an vawrh lar nasa hle.
TUNGE PRANITI SHINDE?
Priniti hi nula namai lo tak a ni a, Maharashtra Congress ‘rising star’ tia hriat lar a ni a, Home Affairs Minister hlui, Sushilkumar Shinde fanu a ni. Solapur constituency atanga Lok Sabha member atana thlan tlin a ni a, Congress ticket-in Maharashtra MLA vawi thum tling tawh a ni a, kum 2009 khan MLA-ah thlan tlin niin, St. Xavier’s College, Mumbai atanga zir chhuak zinga MLA hmasa ber a ni. Kum 2021 atangin tun thlengin Maharashtra Pradesh Congress Committee-ah Working President hna a chelh a, Kerala Assembly inthlanah Congress party chhunga screening committee member a ni bawk.
MIPUI HRIATA RAHUL LEH PRANITI INTAWN HMASAK BER
Rahula’n India rampum ke-a a fan chhuah (Bharat Jodo Yatra) laiin anni pahnih hi Maharashtra-ah an intawng a, an inkarah hmangaihna thuruk awm angin a tlangthang nghal pang a. Praniti hian Amaravati region lama Rahula zin kawng zawh tur enfiah hna a thawh zawh tawh hnuah anni pahnih hi kut insuiha inkaia an awm lai thlalak a lar hneh hle a, inneih an tintuah tia sawi pawh an tam hle a ni.
RAHUL GANDHI-A NUPUI NEIH HUN TUR
Jammu and Kashmir inthlan campaign a hman zawh hnu lawkah khan Rahul Gandhi hian nupui neih chungchang a sawi a. Kum 20-30 liamta-ah khan nupui nei tura nawrna a lo hnar fithlak tawh thu a sawi. Engpawhnise, Rahul emaw, an chhungkua hian Rahul Gandhi-a nupui neih hun tur hi official statements an la siam lo a ni.
