Ni 19.6.2025 (Ningani) khan Congress thalai chuan Lok Sabha Opposition Leader leh Congress Party hruaitu Rahul Gandhi pianchiam vawi 55-na pualin hun an hmang.
He hunah hian MPYCC President Pu Laltawnliana chuan, “Rahul Gandhi chu mi rethei leh harsa, hnam hnufual zawk te thlenga banphak, an tana unaupa duhthusam a ni, Rahul Gandhi chu thisenin a phuar loh, ngaihtuahna, hmathlir leh thiltum hmanga zahawm taka phuarkhawm tlat kan ni,” a ti a. Rahul Gandhi piancham pual hian India rama hnuchham enkawlna hmun 179 ah chhawmdawlna leh tanpuina hlan a ni a. Mizoramah pawh hetiang ang hian hmun hrang hrangah kan unaute tan pek a ni.
Congress hruaitu Rahul Gandhi pianchamah hian MPCC Senior Vice President Pu Ngurdingpuia pawhin thu sawiin, “Rahul Gandhi chuan in pumkhatna, hnam Lungphum leh India ram zahawmna humhim tura Constitution humhalhtu a ni a, mahni aia ram mipui dinhmun siam that hmasak hi Rahul Gandhi auhla a ni,” a ti.
MPYCC Treasurer Pu Khawpuimawia pawhin, mi harsa leh dinhmun hniama awmte tanpui chu Congress kalphung a ni a, tihmakmawh a nih thu sawiin, tih tur tam tak kan nei tih kan hria. Kan unau harsatna tawk te leh dinhmun harsa taka dingte tan mahni in theihnghilha in tana kan thawh theih nan min tawngtai pui turin ka sawm che u a ni, a ti bawk.
Hemi pual hian mi harsa te leh hnuchham te tanpui nan buhfai, Dal, Tel, Alu leh thawmhnaw thahnem tak hmun hrang hrang 27 ah pek a ni bawk. Rahul Gandhi piancham hi India ram State tinah Congress Party chuan hmangin tanpui ngai te tanpuina hun a tan hman a ni.
Hermon Children’s Home hi Zoram Evangelical Fellowship hmingin ni 6.5.1972 khan din a ni a, ni 6.5.2022 khan a kum 50-na Golden Jubilee hman a ni. Hermon Children’s Home ram hi Pu Ch. Saprawnga leh Pi Lalkungi nupa in ni 17.2.1979 khan ZEF rawngbawlna atan an pe ni.
