International Paragliding Accuracy Championship & Airsports Festival 2024 FAI (Federation of Aeronoutique Internationale) Category -II, Bowngchawm, Serchhip a Mizoram Aero Sport Association (MASA) leh Paragliding site a awm tur chungchangah vawiin khan Tourism Minister Lalrinpuii chuan a Office-ah chanchinthar lakhawmtute a kawm.
Minister chuan, “Dt 9th to 14th, December, 2024 chhunga International Paragliding Accuracy Championship 8 Aero sports Festival a participate tur hian ram hrang hrang 12 hengte – Saudi Arabia, Kosovo, Albania, South Korea, Spain, Singapore, Malaysia, Indonesia, Mongolia, Nepal. Kazakhstan leh ram chhung (India] atangin Paraglider 79 te an lo kalkhawm dawn a. Event pakhat a tel tur a, ram dang mi kan neih tam ber tum a ni hrih dawn a ni. China leh Germany atanga lo tel tur te hian VISA problem an la neih avangin an lo la thleng theih rih lo bawk a. Pakhatna hian Euro 2000, pahnihna in Euro 1500 leh Pathumna in Euro 1000 hlawhin Hmaichhia leh mipa a hrangin intihsiak tur a ni a. Heng intihsiak tur zingah hian Mizo 5 tel ve in, an zinga pakhat chu hmeichhia a ni nghe nghe a ni.
“Serchhip hi kan hriat theuh ang in kan Chief Minister bial a ni a. Sorkar hmasa hunlai khan a bial chhung a khawvel huap a hmun tha a awm tih hriain opposition MLA nichungin Paragliding site changtlung talk buatsaihna turin leh Pre world Cup bakah International Parogliding Accuracy Championship te buatsaih a nih theih nan NEC atangin financial support te a lo nawrpui tawh a. MASA ah hian Patron member a awm in theihtawp a lo chhuahpui thin a ni.
“Bawngchawm Serchhip a Paragliding site ah hian MASA hmalakna in National Level training programme buatsaih a ni tawh bawk a. India ram pumpui ah thalai mi 70 chuang zet te chuan Paragliding Pilot ni thei turin Training an lo paltlang tawh bawk a ni.
“Mizoram in Tourism sector a hma kan lakna tam tak zingah World Map a kan lan ve theihna awmchhun Paragliding a inelna kuminah kan buatsaih theih dawn avangin lawmawm kan ti a. Sum sen tur te kan neihloh laiin Chief Minister, Finance Minister ni bawk in Tourism lama hmasawnna awmze nei kan bawhzui theih nan sum mamawh te min ngaihtuahsak a, lawmawm kan ti hle a ni.
“He Festival chhung hian mipui chhimtute tan Paragliding Joy ride a awm dawn a, Hot air balloon joy ride bakah Nghakuaikhai (Angling] leh Air Riffle shooting te a awm dawn a. Tin, zan lam ah free concert hlung taka buatsaih tum a ni bawk.
“India ram a competition lian ber tur a ngaih buatsaih thei a kan awm hi lawmawm ka ti a, mipuite pawhin an ngaihhlut ve hle ka ring tlat a. Adventure Tourism hi potential kan neih na ni dawn pawh in a lang a, tha thlah lova kan tih chhoh chuan nasa takin eizawnna tha zawk kan la siam theih kan beisei a ni.
Pi Lalrinpuii chuan, Ni 16th to 21st, December, 2024 chhung hian Winter Festival Mizoram hmun thumah neih a nih dawn thu sawiin, a hmanna pui ber AR Lammual ah neih a ni dawn a, AR Lammual bakah hian Reiek leh Hmuifangah te ni 17- 19 chhung hian neih a ni dawn bawk a. Heng Festival te hi Ruihhlo lama inzirtirna atan platform tha tak a ni tih te kan hmuchhuak zel bawk a. Thalaite hian thianghlim leh felfai tak chung a hlim pawh hi kan zir a ngai a, chu chuan changkanna nasa tak min thlen dawn a ni,” a ti bawk.
