Parliament Session kal lai mekah Union Minister of DoNER Pu Dr. Sukanta Majumdar chuan Mizoram MP (RS) Pu K. Vanlalvena zawhna chhangin, ni 10.2.2021 khan Sangau to Saisihchhuah kawngpui sialna atan cheng vaibelchhe 66.08 sanction a nih thu leh he hna thawk tur hian Border Road Organisation (BRO) chu thlan an nih thu a sawi a. Motor kawngpui kalna tur atan Mizoramin June, 2024 thlenga ram a thlawna a pek theih loh avangin he kawngpui laih tura pawisa sanction tawh chu hnuh kir a nih thu DoNER Minister chuan sawiin, Thingsai to Pangkhua-Sangau Road project ah Sangau-Saisihchhuah-Siallam road hi laih turin 2023-2028 chhunga thawh atan General Staff (GS) funding of BRO scheme-ah dah a nih tawh zawk thu Minister chuan Pu Vena hi ziakin a hrilh a ni.
Union Minister of School Education changtu tho Pu Dr. Sukanta Majumdar chuan Pu K. Vanlalvena zawhna dang chhangin Lengpui hmuna National Institute of Technology (NIT) Permanent Campus sakna tura sawrkar laipuiin sum a sanction zat chu Cheng vaibelchhe 669.75 a nih thu a sawi a. Forest clearance tifel turin sawrkarin tih tur tul apiangte a tih mek thu leh NIT Mizoram chu kum 2010 academic session atanga tan a nih thu te sawiin tunah hian zirlai 668 an awm mek thu Minister chuan Pu Vena hi a hrilh a ni.
