Ramri a duty Police bo thi a hmuh a ni

PC Malsawma, 1st MAP, Aizawl mission veng, Bankang Camp a (Saipum Boundary) duty chu June ni 18 (Inrinni) chawhnu dar 2.00 vel khan an awmna Bankang Camp atanga a chhuak chu a rawn haw har deuh tak avangin a duty pui a thian te chuan an zawng nghal a, a chin hriat a nih loh avangin a duty pui te chuan Saipum Br.YMA hriattir nghalin YMA hruaitu leh mi tlawmngai te chuan an zawn pui nghala, vawiin chhun dar 12 vel khan an duty Camp atanga KM 5 vela hla Bankang tlang kham hnuaiah a ruang hi hmuh ani ta a ni.
Mibo zawn na ah hian Serlui bialtu MLA Lalrinsanga Ralte chuan vawiin atang khan bo zawnna hmun Bankang Camp ah hian a thut chilh nghal a. Serlui bialtu MLA chuan a bial chhunga vanduaina thleng chungchangah Saipum Branch YMA Member te inpekna leh tlawmngaihna chu chhuanawm a tih thusawiin bial chhung mi ni lo mahse ram leh hnam tana kan Police duty bo zawng tura feh chhuak Saipum nula leh tlangval te chu an fakawm takzet a ni, a ti a. Serlui bialtu MLA hian mibo zawng tura fehchhuak Saipum Branch YMA hnenah hian an mamawh tur Buhfai Bag – 2, Dal Bag – 1, Silpauline pali (4) leh pawisa fai cheng singkhat (Rs.10000) chu a hlan bawk.