Vawiin khan ZPM Thalai chuan thuchhuah soamin, “Ni 20.10.2021 atanga ni 23.11.2021 chhûng, thla khat pawh tling lovah Vairengte (Assam leh Mizoram ramri)-a link road km 70 erh awrh laihna atâna cheng nuai 1,800 chuang sèn a nih chungchângah, bialtu MLA Pu Lalrinsânga Râlte chu insawifiah ngei turin kan phut a, bialtu MLA hian ramri-a link road laihna aṭang hian man ṭang a lo tel ve em ni? tih hi ZPM Ṭhalai-in kan zawhna a ni.
“MNF party hian ramri hi sum siamna atân chauha hman a duh avângin ramri a ngaihsak der a ni tih hi, tuna Vairengte-a link road laih man to uchuak tak hian a rawn hailang chiang hle a; sum leh pai leh mawm tamna ah lo chuan MNF hian hna an thawk tak tak peih lo tih leh, MNF-in tihtak zeta an buaipui tawh thilah chuan sum leh pai thilah hlemhlêtna lian tak a awm ngei ngei ṭhin tih a chiang hle.MNF sawrkâr hi ramri lehzel chu sum siamna atâna hmang lo tur leh, ram leh hnam hmangaihna rilru dik tak pu chunga ramri-ah development siam turin kan phut a ni,” tiin an tarlang.
