Vawiin khan PC Party thalaite chuan thuchhuah siamin, “Tun hnaiah Assam leh Mizoram ramri link road laih mekah cheng nuai 1700 lai mai tihchingpen a ni leh ta hi PC .Thalaite chuan hriatthiam harsa kan ti takzet a.A rang thei ang bera mawhphurtute chhui chhuak turin Mizoram sawrkar kan phut,” an ti.
Thuchhuahah chuan, “He kawng sial mek hi Assam leh Mizoram in ramri chungchanga buaina leh harsatna lian zawk kan tawh pawha kan Police Force ten remchang taka chet an lak zung zung theihna tura Mipuiin kan beisei laia , tute emaw sum siamna hmanrua mai a nih avanga hmantlak lova a thamral engtikawng mahin PC Thalaite chuan kan remti dawn lo a.
“He Assam leh Mizoram ramri link road Vairengte leh a chhehvel laih nana thuneitu lamin cheng nuai 1900 hman ral tawh anga an tarlan laia cheng nuai 200 vel chauh senral a la ni si hian cheng nuai 1700 chu tihchingpen ngei a tih a chiang hle a.
“He kawngpui sial mek hian fur leh thal dawl zo tura siam puitlin vat a nih theih nana a sum mamawh zinga mi cheng nuai 1700 hi a pilbo hlen loh nan a mawhphurhtu zawng zawng a te ber atanga a lian ber thlenga man chhuak nghal turin PC Thalaite’n thuneitute kan phut tak meuh a ni,” tiin an tarlang.
