Nizan khan Saiphai Police Outpost (Kolasib District) team ten an inrinna leh ven ulukna zarah ramsa chi hrang hrang (exotic wildlife species) 19, lirthei pakhata dan lova tawlh ruk mek hmuchhuakin an chhanchhuak. Ramsa chi hrang hrang chhan chhuah te chu Hauhuk – 6, zawng te chi – 3 leh ramsa bawkvak chi (reptiles) hrang hrang – 10 te an ni.
Lirthei khalhtu Birhan Uddin Laskar (24) s/o Rafik Uddin Laskar, Channighat, Cachar, Assam leh a thurualpui pathum – Kamal Hussain (34) s/o Mosahid Ali, Karimganj, Assam, Abdul Ruf (25) s/o Atabur Rahman leh Niaz Hussain (21) s/o Bosir Ali, Bagha Bazar, Cachar Assam te chu man an ni a. Heng thilman te hi Customs Department kutah vawiin khan hlan an ni.
