AMC Ward No. VIII councillor Christina Roluahpuii Sailo chuan Inrinni khan an ward chhunga rawra chhu a eizawngte tlawhin, an tawm hulna atan silpauline a pe.
AMC Ward-VIII huamchhungah hian rawra chhu a eizawng mi eng emaw zat an awm a, tunhnaia ruahsur leh thli tleh avangin silpauline hmanga an rawra chhutna hmun an siamte chu a chhe nual a, hei vâng hian an harsatnate hriain Ward-VIII Councillor Christina-i hian harsatna tawkte chu silpauline pakhat theuh pein, a tih theih tawkah chuan puih zel a inhuam thu a hrilh nghal a ni.
Ward-VIII Councillor leh amah tawiawmtute chuan a hmunah kal chilhin, ruahsur lai ngeiin a far a awm em tih an en chhuak vek a, a chung far ho te chu silpauline an pe ta a ni.
Christina Roluahpuii Sailo hi Ward chhung ZPM Unit hruaituten an tawiawm a ni.
