SSA&RMSA chuan thuchhhuah siamin, “Samagra Shiksha(erstwhile SSA&RMSA) hnuaia thawktute hi kum 12 dawn, Pay Revise sak lova awmin 6th ,7th Pay Revision pawh hmang ve lova kan awm hnuin FEMSE chuan hma lain kan service leh hlawh chungchang zirchiang tur ‘Study Group’ chu kum 2019 December thla ah Sawrkarin min dinsak a.
“Pandemic in min tihbuai avangin kum 1 dawn a zirchian hnuin November, 2020 khan Sawrkarah Recommendations an thehlut a. Study Group Recommendations hi Samagra hnuaia thawkte pawhin duhthusam ni chiahlo mahse tha thawkhatah kan ngai a ni.
“Beiseina sang tak nena hmathlir kan neih laiin kum hnih dawn a liam hnuah thu chhia atha engmah la awmlo hi mak kan ti hle ani. Samagra hnuaia thawk, Mizoram hmun kilkhawr tak tak thleng dap chhuak leh mahni thawhna hmunah pawh rinrawl ber niin, Education Department khai ding tute zinga mi kan ni ve a.
“Hetih mek lai hian kan dinhmun leh hlawh chungchangah lungawi loh thlak ta hle in kan hria, dinhmun tha ve deuh leh innghahna tlak; hlawh neih ve kan duh tawh tak zet ani. Kum 12 dawn dinhmun harsa taka kan din hnuah Study Group in kan dinhmun mil tura a ngaih “Recommendations” a siam ang ngeia hlawh kan lak ve vat theihna turin Kan Sawrkar chak tak hi kan ngen tak zet a ni,” tiin an tarlang.
