Mizoram Milk Producers’ Cooperative Union Ltd. (Mulco) leh National Dairy Development Board (NDB), Kolkata tang kawp chuan Mizoram a Dairy Cooperative Societies te hmasawnna zelna atan in zirtharna atan ni hnih awh training programme, ‘REFRESHER TRAINING ON DCS SECRETARY’ chu Mulco Conference Hall, Thuampui ah a buatsaih a, he training Programme hawnnah ah hian C. Lalrammawia, Chairman (Mulco) leh Harsh Vardhan, Mananging Director (Mulco) ten programme chhimtute lawmna hun hmangin Mulco leh NDDB te thawhhona rah chu kawng hrang hrang ah alan chhuah thu leh hun rei tak Mulco chu Loss a kal hnuah tun kum kalta leh kal mek ah te Profit nei a an kal theih tak thu te, tin, Mulco in hlawkna ahmuh te atangin Societies te hnenah an bawnghnute chhun ang zel a Bonus an pek theih chu lawmawm an tih thu te sawi ani a, Dairy Cooperative Societies tin te chu taima leh rinawm taka thawkho zel turin an sawm bawk a ni.
He training Programme rawn hmanpui tur leh training pe tur hian National Dairy Development Board (NDDB) Kolkata atangin mi thiam pahnih Ms Chaitali Chatterjee, Sr. Manager leh Dr. Sandeep Kumar, Deputy Manager ten hun rawn hmanpuiin Bawnghnute thianghlim leh tha thar chhuahna tur atan thil pawimawh hrang hrang te, Society in farmer member te bawnghnute chhun alo test dan tur te, Socitiey Accounts enkawl dan leh Management Committee leh DCS member te tihtur in hriattir bakah ran chaw tha chungchanga hriattur tul hrang hrang bakah topic dang te hmangin hun hman a ni.
He training programme hi Mulco hnuaia DCS hrang hrang atangin Society hruaitu leh secretaries ten an chhim a, tin, he programme hian ni hnih chhung a hman zawh tur a buatsaih ani.
