Road block nei tura ruahman thulh lailawk a ni

District Collector in Mizoram EF&CC Deptt leh NHIDCL lamin land owners te compensation pek chhuah theih loh chhan ni a lang, an inkar a harsatna awm theite Forest Minister Office Chamber-ah an sawi fel tawh avangin, NHIDCL lam hian Land Owners te compensation pek chhuahna tur order hi vawiin la lain an thawn tawh a, Diwali Puja lai anih avangin ni hnih thum in nghak thei lawm ni tiin Land Owners te a ngen a. “Mipui tana harsatna awm theite ngaihtuah chungin Land Owners lam chuan Oct. 2022 chhung kan nghak leh anga chumi hnu a compensation hi pek chhuah theih ala nih loh cheu chuan thu leh awm lovin kan thiam ang angin Land Owners ten hma kan la ang. Road Block ruahmanna kan neih lailawk na atana member sum leh tha thawhtu zawng zawngte kan beisei la hlawhtling lo mahse Zoram mipui support tha zawk kan neih theih nan i dawh hram hram ang u,” tiin Land Owners te chuan thuchhuah an siam.